STARFSMANNAKYNNING • Sara Bjarnason - 27 ára - Móttaka • Hvað ertu búin að vinna hér lengi? -Í svona klukkutíma og korter Hvers vegna byrjaðir þú að vinna hér? -Það hentaði vel með skólanum og svo elska ég stemninguna í iðnaðarhúsum. Háklassa æfingaraðstaða líka. Klukkan hvað mætirðu oftast ? Hvers vegna? -18:30, rólegt, fámennt og fólk komið með kvöldsveifluna í mjaðmirnar. Hvað finnst þér best við Granda101? -Að maður þurfi að leggja egóið á skóhilluna. Áttu þér uppáhalds minningu frá Granda101? -Þegar ég var að ryksuga salinn í fyrsta sinn og setti mína tónlist í kerfið. Palli var einn í heiminum með dúndrandi gott í gangi. Langar þig að læra einhverja sérstaka æfingu? -Það er rógburður einn að ég geti tekið upphýfingu, veit ekki hver byrjaði á þessari sögu en mér er ekki skemmt. Nei grín, það er enginn að pæla í því. Upphýfingar! Hvað er það klikkaðasta sem þú hefur gert í lífinu? -Kannski að brjótast inn í sweatshops í LA til þess að hjálpa fórnarlömbum mansals. Risky business. Hvað hefur þú búið á mörgum stöðum og hver þeirra var eftirminnilegastur? -Ég hef búið á Hólmavík, í Köln, Kaliforníu og Osló. Kaninn er náttúrulega klikkaður. Þegar ég var nýflutt fór ég í búð, rauð eins og karfi eftir sólina, og ég fann að það var e-r ókunnug kona að smyrja á mig after sun. Önnur sem bauð mér far í hellidembu: “You wanna ride, honey? Don't worry, I'm a grandma, I won't hurt you” Hvert finnst þér skemmtilegast að ferðast á Íslandi? -Ég er soddan Vestfjarðaperri. Fór þá endilanga á puttanum í sumar. Sem barn, hvað vildirðu verða þegar þú varðst stór? -Organisti Ef þú gætir ferðast hvert sem er, hvert myndirðu fara og hvað myndir þú vilja gera þar? -Ég myndi bara fara til Serbíu eða eitthvað, bara til þess að vinna hjörtu þjóðarinnar. Beita öllum brögðum og koma til baka með gott fanbase þar í landi. Hvernig er hinn fullkomni dagur fyrir þér? -Nýir sokkar - spil – Ísafjarðardjúp – berjamó - hengirúm – vinir – öl. Ef þú yrðir fræg fyrir eitthvað, hvað væri það? -Spjallþáttastjórnandi í Serbíu sýnist mér.

MEÐLIMUR VIKUNNAR • Ragnheiður Kristinsdóttir - 43 ára • Hvað ertu búin að æfa lengi á Granda101 og hvers vegna ákvaðstu að prófa stöðina? - Ég mætti skjálfandi á beinum fljótlega eftir að Grandi101 opnaði árið 2017. Vinkonur mínar stungu upp á að við myndum prófa CrossFit (ég hélt að þær væru ekki með öllum mjalla) en áður vorum við búnar að vera saman í Jane Fonda-leikfimi en vildum eitthvað meira krefjandi. Til að gera langa sögu stutta kolféll ég fyrir fólkinu, hreyfingunni, fjölbreyttum æfingum og andanum sem ríkir á stöðinni. Klukkan hvað mætirðu oftast? Hvers vegna sá tími? - Ég mæti oftast seinni part dags, eftir vinnu, en mér finnst frábært að mæta í hádeginu líka ef ég kemst þá. Það stjórnast af stundatöflunni minni (ég er kennari) og/eða fjölskylduskutli seinnipart dags. Hvað finnst þér best við Granda101? - Grandafjölskyldan, þjálfarar, iðkendur og heilbrigð lífssýn sem eigendur leggja upp með og miðla til iðkendanna. Þessi jákvæða orka og persónulega nálgun smitast til þeirra sem sækja stöðina heim. Ég sem kennari hef tileinkað mér ýmislegt sem ég hef lært á Granda; jákvæða og uppbyggilega orðræðu - allir gera sitt besta á sínum eigin forsendum og reyna að vera „besta útgáfan af sjálfum sér“ - og ekkert annað. Svo hef ég líka kennt nemendum Power Snatch á spænsku, en það er önnur saga 🙂   Áttu þér uppáhalds minningu frá Granda101? - Það er kannski ekki uppáhaldsminning - frekar eftirminnilegur tími - eða eftirköst hans… Ætli það hafi ekki verið annar eða þriðji tíminn minn á Granda. Ég hafði aldrei haldið um stöng, hafði aldrei stundað lyftingar, æft með lóðum eða ketilbjöllum. En, ein af æfingum dagsins þann dag var Barbell Single Leg Squat. Það er skemmst frá því að segja að ég gerði mitt (þóttist vera með sæmilegan fótastyrk þó 20+ ár væru frá því að ég lagði handboltaskóna á hilluna). Æfingin gekk bara ágætlega (ég man ekki þyngd) en eftir æfinguna skalf ég svo í fótunum að ég gat varla keyrt heim! Ég náði varla að stíga kúplinguna niður og var dauðhrædd um að þurfa að hringja heim til að láta sækja mig, haha.

VIÐ BÆTUM VIÐ NÁMSKEIÐI 🙏🏻 . MÖMMUFIT 💙 . Elsku mæður, Nýtt námskeið hefst miðvikudaginn 13. janúar og stendur út janúar eða til og með föstudeginum 29. janúar. . Áhersla á styrk fyrst og fremst auk úthalds og liðleika. . Námskeiðið fer fram á mánudögum, miðvikudögum og föstudögum frá kl. 09:00-10:00. . Börnin eru að sjálfsögðu velkomin með ❤️ . Verð: 12.660kr. . Skráning á namskeid@grandi101.is

Það er ALDREI of seint að byrja 💪🏼 . HELDRIFIT- nàmskeið ætlað 60 ára og eldri! . Hefjum nýtt námskeið fimmtudaginn 14. janúar sem stendur út mánuðinn. . Tímarnir fara fram á þriðjudögum og fimmtudögum frá kl.09:30-10:30. . Megin àhersla er lögð á líkamsvitund, góða líkamsstöðu, styrk, liðleika, úthald og góðan félagsskap. . Verð: 7.490kr. . Skráning á namskeid@grandi101.is

Taktu heilsuna föstum tökum á nýju ári 💪🏼 . GRUNNNÁMSKEIÐ helgina 16. - 17. janúar 2021 . Farið er í allar helstu tækni- og grunnæfingar í lyftingum, fimleikum og þrekæfingum til að fá sem bestan undirbúning fyrir opnu tímana hjá okkur á Granda101. Í opnu tímunum heldur kennslan að sjálfsögðu áfram og byggt verður ofan á þann grunn sem farið er í á grunnnámskeiðinu. . ▪️Námskeiðið hefst klukkan 11:00 og stendur til klukkan 14:30 bæði laugardag og sunnudag. . ▪️Skráning fer fram à namskeid@grandi101.is . Verð: Grunnnàmskeið: 18.990kr. Grunnnámskeið + einn mánuður: 32.990kr. . Hlökkum til að sjà þig 💙

MÖMMUFIT 💙 . Elsku mæður, Nýtt námskeið hefst miðvikudaginn 13. janúar og stendur út janúar eða til og með föstudeginum 29. janúar. . Áhersla á styrk fyrst og fremst auk úthalds og liðleika. . Námskeiðið fer fram á mánudögum, miðvikudögum og föstudögum frá kl. 10:15- 11:15. . Börnin eru að sjálfsögðu velkomin með ❤️ . Verð: 12.660kr. . Skráning á namskeid@grandi101.is

Við erum svo ánægð með fréttir dagsins og getum ekki beðið eftir að taka à því með ykkur í næstu viku 💪🏼😅❤️ #næstumslegið&selt

Elsku Grandarar ❤️ Við óskum ykkur gleðilegs nýs árs. Megi 2021 færa ykkur gæfu, gleði og góða heilsu 🙏🏻💥

MEÐLIMUR VIKUNNAR • Saadia Auður Dhour - 34 ára • Hvað ertu búin að æfa lengi á Granda101 og hvers vegna ákvaðstu að prófa stöðina? - @runakristin hvatti mig til að prófa Mömmufit í ágúst 2018 og ég tók 8 eða 9 mánuði. Eftir það var ekki aftur snúið og ég dreif í kortakaupum 😁 Klukkan hvað mætirðu oftast? Hvers vegna sá tími? - Oftast 8:30 en annars í hádeginu. Hentar mjög vel að skutla stelpunum mínum í skóla og mæta svo á æfingu. Hvað finnst þér best við Granda101? - Andrúmsloftið, allir vinir og framúrskarandi þjálfarar sem eru alltaf tilbúnir að græja aðrar æfingar fyrir vesenis mig. Áttu þér uppáhalds minningu frá Granda101? - Nei ekki beint en ég eeelska jóla- og áramótaæfingarnar, þær eru uppáhalds og hlakka alltaf til þeirra. Verður skrítið að taka þær ekki núna með fullum sal af frábæru fólki. En vona að ég komist á útiæfinguna þann 24. Hvað hjálpar þér að halda geðheilsunni í samkomubanninu? - Hreyfingin 150%, ég er svooo þakklát fyrir heimaæfingarnar ❤ Æfðir þú einhverjar íþróttir sem barn? - Frjálsar á sumrin í sveitinni, prófaði handbolta, en byrjaði svo í jazzballet 13 ára og var í 6 ár. Við hvað starfar þú? Kostir og gallar við það? - Dansandi íþróttafræðingur af lífi og sál en núna er ég að vinna í því að gera mig 110%. Er í endurhæfingu vegna langvarandi verkja í grind eftir meðgöngu þannig að vinnan mín er að sinna endurhæfingunni. Pros - ég verð vonandi betri útgáfa af sjálfri mér, cons - þetta þýðir að ég get ekki dansað. Er eitthvað sérstakt sem þú gerir reglulega sem þér finnst hafa góð áhrif á heilsuna þína? - Hreyfing og hugleiðsla. Blanda svo sjósundi inn í til að fá smá kick. Annars væri efst á blaði að dansa - svona „Saadiu-dansa“, þeir sem þekkja mig vita hvað það þýðir, 25 fm eru sirkabát nógu stórt pláss haha 😅 Uppáhalds bíómynd? - Lion King Gamli eða nýi ísinn? - Gamli frá Vestó (ekki linur). Smá hax - fá dýfu um allt vöffluformið, ekki bara botninn. Uppáhalds hreyfing? - Mér finnst clean skemmtilegt. Þrek, Styrkur eða Hreysti? - Allt í bland - svona eins bragðarefur 🙂